Қазақстандық боксшы Бекзад Нұрдәулетов Люблинде (Польша) өткен бокс кешінде жеңіске жетті, деп хабарлайды KAZ.NUR.KZ.
Отандасымыз Грузия боксшысы Яго Кизириямен жұдырықтасты. Жекпе-жек сегіз раундқа жоспарланып, соңына дейін жалғасты.
Нәтижесінде Бекзад Нұрдәулетов төрешілердің шешімімен кездесудің жеңімпазы атанды.Бұл отандасымыздың кәсіпқой бокстағы алтыншы жеңісі. Оның есебінде жеңіліс жоқ.
Естеріңізге сала кетейік, Бекзад Нұрдәулетов - әуесқой бокстан 2019 жылғы әлем чемпионатының жеңімпазы.
Мақаланың түпнұсқасы: https://kaz.nur.kz/sport/boxing/1990656-bekzad-nurdauletov-polsada-otken-boks-kesinde-zenis-tugyrynan-korindi/