Футзалдан Қазақстан құрамасы 2024 жылғы Әлем чемпионатының негізгі іріктеу кезеңінің екінші ойынын Черногорияға қарсы өткізді, деп хабарлайды KAZ.NUR.KZ тілшісі.
Подгорица қаласында өткен матчта Қазақстан құрамасы Черногорияны 1:5 есебімен ұтты.
Қазақстан құрамасынан Лео, Эдсон, Арнольд Кнауб, Альберт Ақбалықов, Тайнан мергендігімен көзге түссе, Черногория сапынан жалғыз голды Филип Маркович соқты.
Осылайша, ел құрамасы екі турда алты ұпай жинап, 5 топта көш бастады.
Естеріңізге сала кетейік, Футзалдан Қазақстан құрамасы 2024 жылғы Әлем чемпионатының негізгі іріктеу кезеңінің алғашқы ойынын Словениямен өткізіп, 2:0 есебімен ұтқан болатын.
Аталған матч Астана қаласындағы Жақсылық Үшкемпіров атындағы жекпе-жек сарайында өтті.
Мақаланың түпнұсқасы: https://kaz.nur.kz/sport/football/1992364-futzaldan-qazaqstan-quramasy-syrt-alanda-cernogoriyany-iri-eseppen-zendi/
