UFC-де өнер көрсететін қазақстандық Жалғас Жұмағұловтың келесі жекпе-жегінің қашан өтетіні белгілі болды, деп жазады KAZ.NUR.KZ тілшісі.
"Жалғас Жұмағұлов октагонға оралады! 19 қарашада өтетін турнирде оның қарсыласы Чарльс Джонсон болмақ", - делінген UFC-дің Instagram әлеуметтік желісіндегі хабарламасында.
Айқас Америка құрама штаттарының Лас-Вегас қаласындағы (Невада штаты) UFC Apex аренасында өтеді деп жоспарланған.
Джонсон UFC-де биылғы жылдың 23 шілдесінде алғашқы жекпе-жегін өткізіп, жеңіліп қалған болатын. Ол октагонда британдық файтер Мұхаммед Мокаевпен кездескен еді.
Айта кетейік, Джонсонға қарсы жекпе-жек Жұмағұловтың UFC-дегі алтыншы кездесуі болмақ.
Мақаланың түпнұсқасы: https://kaz.nur.kz/sport/mma/1992468-zalgas-zumagulovtyn-kelesi-zekpe-zeginin-qasan-otetini-belgili-boldy-foto/