Еурокубоктардың топтық кезеңінің кезекті турынан кейін УЕФА клубтық рейтингі жаңартты.
Sports.ru мәліметінше, "Астана" үздік жүздің қатарынан шығып қалған.
Қазіргі уақытта елордалық клуб 104-орында тұр. Ал алматылық "Қайрат" 120-орынға көтерілсе, қостанайлық "Тобыл" 189-орнын сақтап қалған.
Естеріңізге сала кетейік, бұған дейін "Манчестер Сити" France Football нұсқасы бойынша маусымның үздік клубы атағын жеңіп алғанын жазған едік.
Пеп Гвардиолла жаттықтыратын ұжым өткен маусымда Англия біріншілігінің жеңімпазы атанып, Чемпиондар лигасының жартылай финалына дейін жетті. Финалға берілетін жолдама үшін таласта "Манчестер сити" мадридтік "Реалға" есе жіберді.
France Football нұсқасы бойынша екінші орын "Ливерпульге" бұйырса, үздік үштікті "Реал Мадрид" қорытындылады.
Мақаланың түпнұсқасы: https://kaz.nur.kz/sport/other-sports/1993219-astana-europanyn-uzdik-zuz-klubynyn-qatarynan-sygyp-qaldy/
