Абиба Әбужақынова дзюдодан Абу-Дабиде өтіп жатқан Гранд-слэм турнирінде қола жүлдегер атанды. Бұл туралы KAZ.NUR.KZ тілшісі хабарлайды.
48 келіге дейінгі салмақта белдескен ол кіші финалда италиялық спортшыны "иппон" ұпайымен жеңді. Осылайша, беделді турнирде қола медаль иеленді.
Абиба Әбужақынова Ташкентте өткен әлем чемпионатында қазақ қыздары арасында алғаш рет қола медаль жеңіп алған болатын.
Одан бөлек, Ұлан-Батырдағы Гранд-слэм турнирінде үздіктер қатарынан көрінген.
Мақаланың түпнұсқасы: https://kaz.nur.kz/sport/fight/1993836-abiba-abuzaqynova-dzyudodan-grand-slem-turnirinde-uzdik-ustikke-endi/
