Қазақстандық Дәулет Ергеш күрестен әлем чемпионатының финалына шықты

Испанияның Понтеведра өтіп жатқан күрес түрлерінен 23 жасқа дейінгі жастар арасындағы әлем чемпионатында қазақстандық Дәулет Ергеш финалға шықты, деп хабарлайды KAZ.NUR.KZ.

Еркін күрестен 79 келіге дейінгі салмақта сынға түскен ол алдымен Пуэрто-Рико балуанын 10:0, Украина балуанын 8:1 есебімен жеңді.

Жартылай финалда америкалық балуанмен өткен тартысты кездесуді де Дәулет өз еншісіне жазып, 8:7 есебімен ұтты.

Бүгін финалдық кездесулер өтеді. Дәулет Ергештің ақтық сындағы қарсыласы - грузиялық Владимир Гамкрелидзде.

Сондай-ақ, бүгін тағы бір қазақстандық балуан жүлдеге таласады. Жартылай финалда Вазген Теваняннан ұтылған Адлан Асқаров кіші финалда бақ сынайды.

Финалдық кездесулер бүгінгі кешке жоспарланған.