Қазақстандық спортшы қыз Ангелина Лукас кәсіпқой бокстағы екінші кездесуін Түркияда өткізді, деп хабарлайды KAZ.NUR.KZ тілшісі.
Стамбул қаласында өткен бокс кешінде отандық былғары қолғап шебері Украина өкілі Алена Гуриевамен жұдырықтасты.
Сегіз раундқа жоспарланған жекпе-жек соңына дейін жалғасқан жоқ.
Екінші раундта Ангелина Лукас қарсыласын нокаутқа жіберді.
Осылайша, отандық боксшы жеңіл салмақтағы UBO International титулын жеңіп алды.
Айта кетейік, бұл - Ангелина Лукастың кәсіпқой бокстағы екінші кездесуі.
Мақаланың түпнұсқасы: https://kaz.nur.kz/sport/boxing/1994069-qazaqstandyq-sportsy-qyz-kasipqoi-bokstagy-algasqy-titulyna-qol-zetkizdi-video/
