Қытайдағы этникалық қазақ Сайран Нұрданбек өзінің UFC-мен келісімшартқа отырғанын мәлімдеді. Бұл туралы sports.kz сайтына сілтеме жасаған KAZ.NUR.KZ хабарлайды.
Спортшы өзінің Instagram парақшасында UFC-мен келісімге келгенін айтып, жанкүйерлерінен сүйінші сұрады.
"UFC-мен екінші рет келісімшартқа отырғаныма қуаныштымын. Болашақта бәрі жақсы болады", - деп жазды Нұрданбек.
Келесі жекпе-жекте Сайран америкалық Дэррик Миннермен кездеседі. Жекпе-жек 5 қараша күні АҚШ-тың Лас-Вегас қаласында өтеді.
Өзінің соңғы кездесуінде Сайран Нұрданбек америкалық Ти Джей Браунды жеңген болатын.
Мақаланың түпнұсқасы: https://kaz.nur.kz/sport/mma/1994286-qytaidagy-etnikalyq-qazaq-ufc-men-zana-kelisimsartqa-otyrdy/
