"Үлкен Дулыға" турнирінде ел намысын қорғайтын дзюдошылардың есімі белгілі болды

4-6 қараша аралығында Әзірбайжан астанасы Бакуде дзюдодан Үлкен Дулыға кезеңі өтеді. Байрақты бәсекеде 63 елдің 400-ге жуық спортшысы күш сынасады, деп жазады Спортты дамыту дирекциясы.

Қазақстан құрамасының тізімі:

Ерлер – Бауыржан Нарбаев (-60 келі), Ғұсман Қырғызбаев (-66 келі), Данияр Шамшаев (-73 келі), Абылайхан Жұбаназар (-81 келі), Ерқанат Молдағұлов (-100 келі), Жамбыл Тұрғыналиев (+100 келі);

Әйелдер – Самалай Ерғалиева (-63 келі), Аруна Жангельдина (-78 келі), Назерке Тілеуханова (-78 келі), Камила Берліқаш (+78 келі);

Айта кетейік, ерлер арасында ең көп спортшы 73 келіге дейінгі (39 адам), әйелдер арасында 70 келіге дейінгі салмақта (34 адам) тіркелген.