Футболдан Қазақстан кубогының бас төрешісі белгілі болды

Қазақстан футбол федерациясының Төрешілік ету және инспекциялау департаменті футболдан OLIMPBET-Қазақстан кубогы финалының төрешілері мен инспекторларын анықтады, деп хабарлайды KAZ.NUR.KZ тілшісі федерацияның баспасөз қызметіне сілтеме жасап.

Футболдан OLIMPBET-Қазақстан Республикасы Кубогының финалы 12 қараша күні өтеді деп жоспарланып отыр.

Ақтық мәреде оралдық "Ақжайық" пен шымкенттік "Ордабасы" кездеседі.

Төрешілер: Кучин Артем (Қарағанды), Тергеусізов Самат (Алматы), Калачев Сергей (Атырау).

VAR төрешісі: Сахи Данияр (Қызылорда).

AVAR төрешісі: Мағау Наргис (Алматы).

Қосалқы төреші: Нұрмұстафина Эльвира (Теміртау).

Инспектор: Кулаков Александр (Алматы).