Футболдан Катарда өтіп жатқан Әлем біріншілігінің бесінші күніне жоспарланған барлық ойын аяқталды, деп хабарлайды KAZ.NUR.KZ тілшісі.
Байрақты бәсекенің бесінші күнінде G және H тобының матчтары өтті.
Уругвай мен Оңтүстік Корея арасындағы кездесуінде есеп ашылмаса, Португалия-Гана ойынында жанкүйерлер бес голдың куәсі болды. Аталған матчта Криштиану Роналду бастаған еуропалықтар 3:2 есебімен жеңіске жетті.
Алғашқы турдан кейін H тобындағы жағдай:
Португалия - 3 ұпай
Оңтүстік Корея - 1 ұпай
Уругвай - 1 ұпай
Гана - 0 ұпай
G тобында Бразилия Сербиядан 2:0 есебімен басым түссе, ал Швейцария-Камерун ойынының "тағдырын" жалғыз гол шешіп кетті.
Алғашқы турдан кейін G тобындағы жағдай:
Бразилия - 3 ұпай
Швейцария - 3 ұпай
Сербия - 0 ұпай
Камерун - 0 ұпай.
Айта кетейік, Катарда өтіп жатқан футболдан әлем чемпионаты 18 желтоқсанда аяқталады.
Мақаланың түпнұсқасы: https://kaz.nur.kz/sport/football/1998891-alem-cempionatynyn-kundeligi-besinsi-kunnin-natizeleri/