Футболдан Әлем чемпионатының топтық кезеңінің екінші турында Камерун мен Сербия кездесті, деп хабарлайды KAZ.NUR.KZ тілшісі.
G тобында өнер көрсететін Камерун мен Сербия арасындағы кездесу Al Janoub стадионында өтті.
Матч 3:3 есебімен аяқталды. Гол авторлары: Кастеллетто, Абубакар, Шупо-Мотинг - Павлович, Милинкович-Савич, Митрович.
Аталған кездесу басталмай тұрып спорт жанкүйерлері мен сарапшылар Сербия жеңіске жетеді деп болжаған еді. Алайда Камерун футболшылары жоғарғы деңгейдегі ойын үлгісін көрсетіп, Әлем чемпионатындағы кезекті сенсацияны жасады.
Бұған дейін Сауд Арабиясы-Аргентина, Жапония-Германия, Марокко-Бельгия матчтарында күтпеген нәтиже тіркелген еді.
Айта кетейік, Катарда өтіп жатқан футболдан әлем чемпионаты 18 желтоқсанда аяқталады.
Мақаланың түпнұсқасы: https://kaz.nur.kz/sport/football/1999265-kamerun-men-serbiya-arasyndagy-matcta-alty-gol-sogyldy/
