Футболдан Катарда өтіп жатқан Әлем чемпионатының плей-офф кезеңіне Сенегал құрамасы шықты, деп хабарлайды KAZ.NUR.KZ тілшісі.
Топтық кезеңнің шешуші турында Африка құрлығынан келген команда Эквадор құрамасынан басым түсті. Есеп 2:1.
Гол авторлары: Сарр (он бір метрлік айып добынан) 1-0, Кайседо 1-1, Кулибали 2-1.
Осылайша, Сенегал құрамасы Әлем чемпионатының плей-офф кезеңіне алты ұпаймен жолдама алып отыр.
Африкалық ұжым 1/8 финалда В тобының жеңімпазымен кездеседі.
Айта кетейік, төртжылдықтың ірі додасында А тобында Нидерланд, Катар, Эквадор және Сенегал құрамалары өнер көрсетті.
Мақаланың түпнұсқасы: https://kaz.nur.kz/sport/football/1999476-senegal-sesusi-turda-zeniske-zetip-alem-cempionatynyn-plei-off-kezenine-syqty/
