Әлем чемпионаты: Бразилия ширек финалға жолдама алды

Бразилия құрамасы Әлем чемпионатының ширек финалына шықты, деп хабарлайды KAZ.NUR.KZ тілшісі.

1/8 финалда Бразилия құрамасы Оңтүстік Кореямен кездесті. "974" стадионында өткен матчта оңтүстік америкалық ұжым жеңіске жетті. Есеп 4:1.

Гол авторлары: Винисиус Жуниор, Неймар (он бір метрлік айып добынан), Ришарлисон, Лукас Пакета - Пайк Сын Хо.

Енді Бразилия құрамасы ширек финалда Жапониядан пенальти сериясы арқылы айласын асырған Хорватиямен ойнайды.

Айта кетейік, Катарда өтіп жатқан футболдан әлем чемпионаты 18 желтоқсанда аяқталмақ.