Танымал қазақстандық волейболшы Сабина Алтынбекова мәлімдеме жасап, үлкен спортқа қайта оралғанын жеткізді, деп хабарлайды KAZ.NUR.KZ тілшісі.
Бұл туралы спортшы Instagram әлеуметтік желісіндегі парақшасында жариялады.
Сабина Алтынбекова жазбасында Біріккен Араб Әмірліктерінің чемпионатында өнер көрсететін клубтың ойыншы атанғанын жеткізген. Оның сөзінше, ұжымның атауы "Әл-Васл".
Сонымен қатар отандық спортшы қолдау көрсеткен барша жанкүйерлеріне алғысын білдіруді ұмытқан жоқ.
Еске сала кетсек, Сабина Алтынбекова 2020 жылы тұрмысқа шыққан болатын. Содан кейін спортшы мансабын уақытша тоқтата тұрған еді.
Мақаланың түпнұсқасы: https://kaz.nur.kz/sport/other-sports/2000853-sabina-altynbekova-manyzdy-malimdeme-zasady-foto/
