Әлем чемпионаты: Хорватия мен Бразилия арасындағы матчта сенсациялық нәтиже тіркелді (видео)

Футболдан Катарда өтіп жатқан Әлем чемпионатының ширек финалында Хорватия мен Бразилия кездесті, деп хабарлайды KAZ.NUR.KZ тілшісі.

Education City стадионында өткен матчтың негізгі уақытында есеп ашылған жоқ.

Экстра таймның 105-минутында Неймар мергендігімен көзге түсіп, Бразилияны алға шығарды. Алайда Титенің шәкірттерінің қуанышы ұзаққа созылмады. Кездесудің аяқталуына бірнеше минут қалғанда Хорватия құрамасы есептті теңестіріп кетті. Гол авторы: Бруно Петкович.

Ойын соңындағы пенальти сериясында Златко Даличтың шәкірттері 4:2 есебімен оңтүстік америкалықтардан басым түсті.

Осылайша, Хорватия катарынан екінші рет Әлем Чемпионатының жартылай финалына шығып отыр. Енді Модрич бастаған команда ақтық мәреге берілетін жолдама үшін Аргентинамен ойнамақ.