Футболдан Катарда өтіп жатқан Әлем чемпионаты аяқталуға жақын. Бүгін жартылай финалдың екінші кездесуі өтеді, деп хабарлайды KAZ.NUR.KZ тілшісі.
Жартылай финалдың екінші ойыны Франция мен Марокко арасында өтпек.
Матч Астана уақытымен 00.50-де басталады деп жоспарланып отыр.
Аталған кездесуді Qazaqstan және Qazsport телеарналары тікелей эфирде көрсетеді.
Айта кетейік, Дидье Дешам жаттықтыратын Франция құрамасы ширек финалда Англияны жарыс жолынан шығарса, марокколықтар Португалия футболшыларын үйіне қайтарды.
Мақаланың түпнұсқасы: https://kaz.nur.kz/sport/football/2001493-futboldan-alem-cempionaty-bugin-finalga-sygatyn-ekinsi-qurama-anyqtalady/
