Parimatch Foundation халықаралық қайырымдылық қоры балаларды спорттық іс-шараларға саяхат сыйлаумен қуантуды жалғастыруда. Бұл жолы "Ақтөбе" ФК мен "Қайрат" ФК арасындағы футзалдан Қазақстан чемпионатының матчы басты назарда болды.
4 желтоқсанда "Ақтөбе" футзал командасы футзалдан Қазақстан чемпионатының 14-туры аясында алматылық "Қайратты" қабылдады. Ойынға Parimatch Foundation қайырымдылық қорының шақырылған қонақтары ретінде есту қабілеті бұзылған балаларға арналған Ақтөбе облыстық арнайы мектеп-интернатының тәрбиеленушілері еріп жүрушілермен бірге қатысты.
"Біз Parimatch Foundation қорына мүмкіндігі шектеулі балаларды қолдағаны үшін алғысымызды білдіреміз. Біздің балалар футболды өте жақсы көреді және матчты тамашалаудан үлкен ләззат алды. Біз бәріміз қорға өркендеу және қайырымдылық қызметінде одан әрі жетістіктер тілейміз", - деп бөлісті директордың тәрбие жөніндегі орынбасары Венера Ғабитова.
Мұндай іс-шаралар жас ұрпаққа спортқа деген сүйіспеншілікті оятуға, сондай-ақ өмірлік жағдайларына қарамастан, Қазақстанның барлық балаларына спорттық демалысқа тең қолжетімділікті қамтамасыз етуге арналған. Осы жылы Ақтөбе мектеп-интернатының балалары қордың қолдауымен "Ақтөбе" және "Құлагер"хоккей клубтары арасындағы хоккей матчын тамашалаған болатын.
"Біз жыл басында Ақтөбе интернатының шәкірттерімен ойындарға қатысқан болатынбыз. Олар өзінің командасына жанкүйер бола отырып, ынта танытқаны және өз командасы үшін қуанғаны сонша, біз оларды қайтадан қуантуды шештік. Біздің еліміздегі көптеген балалар үшін жанды матчқа қатысу және белсенді жанкүйерлерге толы стадионның атмосферасын сезіну есте қаларлық және шабыттандыратын үлкен оқиға олып табылады. Біз қиын жағдайдағы балаларға осындай шынайы қуаныш сыйлай алатынымыз жүрегімізді жылытады", - деді Қазақстандағы Parimatch Foundation жобаларының маманы Виктория Андреева.
Балаларға матчқа билеттер ғана емес, ойын барысында тағамдар да ұсынылды. Бірақ ең құндысы, әрине, қазақстандық футзалдың екі ардагер командасының керемет шайқасынан алған әсерлері деп атауға болады. Ұзақ күрестен кейін қонақтардың қуанышына орай "Ақтөбе" 3:6 есебімен жеңіске жетті. Қазіргі уақытта матч иелері турнир кестесінің 3-тармағында орналасқан, бірақ мұндай қолдаумен олар одан да жоғары шыңдарға биіктей алатыны сөзсіз.
Parimatch Foundation - 2019 жылы құрылған халықаралық қайырымдылық қоры. Қордың басты мақсаты - балаларға спортпен шұғылдануға және оқуға тең мүмкіндіктер мен қолжетімділік беру арқылы қоғамның денсаулығы мен әл-ауқатын жақсарту болып табылады.
Мақаланың түпнұсқасы: https://kaz.nur.kz/sport/other-sports/2002211-parimatch-foundation-estu-qabileti-buzylgan-balalarga-aqtobe-fk-matcyna-sapar-uiymdastyrdy/
