Футболдан Катарда өткен Әлем чемпионатындағы ең үздік голдың авторы белгілі болды, деп хабарлайды KAZ.NUR.KZ тілшісі.
Жеңімпазды жанкүйерлер дауыс беру арқылы анықтаған. Нәтижесінде Бразилия құрамасының шабуылшысы Ришарлисонның Сербия қақпасына соққан добы Катардағы Әлем чемпионатының үздік голы деп танылды.
Айта кетейік, бұл "номинацияға" Ришарлисоннан бөлек, Нидерланды ойыншысы Гакпо, Франция сұрмергені Киллиан Мбаппе, Бразилия мақтанышы Неймар, Оңтүстік Кореяның жартылай қорғаушысы Пайк Сын Хон, Мексика ойыншысы Луис Чавес, Камерун шабуылшысы Абубакар, Сауд Арабия футболшысы Аль-Досари таласты.
Мақаланың түпнұсқасы: https://kaz.nur.kz/sport/football/2002853-katardagy-alem-cempionatynda-en-uzdik-goldy-kimnin-soqqany-belgili-boldy/
