Алматыда шахматтан әлем чемпионаты басталды

Алматы қаласында рапид және блиц шахматтан әлем чемпионаты басталды, деп хабарлайды KAZ.NUR.KZ тілшісі Мәдениет және спорт министрлігінің баспасөз қызметіне сілтеме жасап.

Министрлік мәліметінше, оңтүстік астанадағы турнирге әлемнің 50 елінен 300-ге жуық шахматшы, халықаралық төрешілер мен ФИДЕ өкілдері келген.

Жарыс 30 желтоқсанға дейін жалғасады және оның жүлде қоры 1 миллион долларды құрайды.

Чемпионаттың ресми ашылу салтанатына Мәдениет және спорт министрі Дәурен Абаев, Халықаралық шахмат федерациясының президенті Аркадий Дворкович, Алматы қаласының әкімі Ерболат Досаев және басқалар қатысты.

Мақаланың түпнұсқасы: https://kaz.nur.kz/sport/2002970-almatyda-saxmattan-alem-cempionaty-bastaldy/