"Қайрат" футбол клубы 20 жастағы қорғаушы Дамир Қасабулатпен келісімшартты ұзартты, деп хабарлайды KAZ.NUR.KZ тілшісі алматылық ұжымның баспасөз қызметіне сілтеме жасап.
Жаңа келісім 2025 маусымының соңына дейін есептелген.
Дамир Қасабулаттың "сары-қаралар" сапындағы дебюті 2022 жылдың наурыз айында болды. Осыған қарамастан жас ойыншы барлық турнирлерде 32 матч өткізіп үлгерген.
"Қайрат" футбол клубы Дамирді жаңа келісімшартпен құттықтап, оған командамен бірге одан әрі өсуді және үлкен жеңістер мен жаңа жетістіктер тілейді", - делінген хабарламада.
Мақаланың түпнұсқасы: https://kaz.nur.kz/sport/other-sports/2003321-damir-qasabulat-pen-qairat-ozara-kelisimge-keldi/
