"Астана" футбол клубы мен беларусиялық қорғаушы Артем Рахманов өзара келісім-шартты мерзімінен бұрын аяқтау туралы шешімге келді, деп хабарлайды KAZ.NUR.KZ тілшісі елордалы ұжымның баспасөз қызметіне сілтеме жасап.
Артем астаналықтар қатарына 2022 жылы Түркиядағы оқу-жаттығу жиынында қосылған.
Ол елордалық ұжым сапында дебюттік маусымда Қазақстан біріншілігін жеңіп алды.
Өткен маусымда Артем 14 кездесу өткізіп, 1 нәтижелі пастың авторы атанған.
"Астана" ұжымы Артемге команданың жетістігіне қосқан үлесі үшін алғыс айтып, табыс пен жарқын жеңістер тілейтінін жеткізді.
Айта кетейік, Артем Рахманов - Беларусь, Польша, Молдовия, Эстония чемпионаттарында доп тепкен тәжірбиелі қорғаушы.
Мақаланың түпнұсқасы: https://kaz.nur.kz/sport/football/2004623-europalyq-klubtarda-dop-tepken-futbolsy-astana-sapynan-ketti/
