Бокстан 22 жасқа дейінгі жастар арасындағы Азия чемпионаты бастамлай жатып 10 қазақстандық былғары қолғап шебері жүлдегер атанып үлгерді, деп хабарлайды KAZ.NUR.KZ тілшісі.
Ерлер арасында Серік Абзал (67 келі), Ерхат Бекзат (92 келі), Аманат Сабырғали (92 келіден жоғары) және әйелдер арасында Әнел Сақыш (54 келі), Шахназ Исаева (60 келі), Назерке Серік (63 келі), Ақнар Ишанова (66 келі), Жасмин Қизатова (70 келі), Дана Дидай (75 келі) және Гүлсая Ержан (81 келі) алғашқы кездесуін жартылай финалдан бастайтын болды. Осылайша, он боксшымыз кем дегенде қола медальға ие болып отыр.
Айта кетейік, бокстан 19-22 жас арасындағы Азия біріншілігі Тайландтың Бангкок қаласында өтіп жатыр.
Мақаланың түпнұсқасы: https://kaz.nur.kz/sport/boxing/2005754-qazaqstandyq-10-bokssy-22-zasqa-deiingi-aziya-cempionaty-bastalmai-zatyp-zuldeger-atandy/
