Australian Open-2023: Юлия Путинцева екінші айналымға шықты

Опубликовано:

Путинцева
Путинцева кортта. Фото: Қазақстанның теннис федерациясы

Қазақстандық, әлемнің 47-ракеткасы Юлия Путинцева Аустралия ашық чемпионатының екінші айналымына шықты, деп хабарлайды Қазақстанның теннис федерациясы.

Қазақстандық теннисші алғашқы кездесуін әлемнің 42-ракеткасы, румыниялық Сорана Кырстямен өткізді.

Бірінші партияда румыниялық спотшы басым түсті - 6:2. Есесіне содан кейін Юлия таразы басын теңестіріп, үшінші сетте жеңісті жұлып алды (6:4, 6:3).

Екі сағатқа жуық уақытқа созылған матчта Путинцева 3 эйспен бірге бес брейк-пойнтты түгел пайдалана білді. 

Енді қазақстандық теннисші үшінші айналымға шығу үшін әлемнің 31-ракеткасы, чехиялық Каролина Плишковамен кездеседі.

Мақаланың түпнұсқасы: https://kaz.nur.kz/sport/2005811-australian-open-2023-yuliya-putinceva-ekinsi-ainalymga-syqty/