Санжар Тәшкенбай бокстан 19-22 жас арасындағы Азия біріншілігіндегі алғашқы кездесуін өткізді, деп хабарлайды KAZ.NUR.KZ тілшісі.
48 келіге дейінгі салмақта ел намысын қорғап жатқан Санжар Тәшкенбай 1/8 финалда Қырғызстан өкілі Анваржан Ходжиевпен жұдырықтасты. Жекпе-жек төрешілердің бірауыздан қабылдаған шешімімен қазақстандық былғары қолғап шеберінің пайдасына аяқталды.
Осылайша, Санжар Тәшкенбай 22 жасқа дейінгі Азия біріншілігінің ширек финалына жолдама алды.
Айта кетейік, бокстан 19-22 жас арасындағы Азия біріншілігі 16-27 қаңтарда Тайландтың Бангкок қаласында өтеді.
Мақаланың түпнұсқасы: https://kaz.nur.kz/sport/boxing/2005822-22-zasqa-deiingi-aziya-birinsiligin-sanzar-taskenbai-zenispen-bastady/
