Каземиро "Арсеналға" қарсы матчқа қатыспайды

Опубликовано:

Каземиро
Каземиро матчтан соң. Фото: Twitter/Manchester United

"Манчестер Юнайтедтің" жартылай қорғаушысы Каземиро "Арсеналға" қарсы матчқа қатыспайды, деп хабарлайды KAZ.NUR.KZ тілшісі.

Бразилиялық футболшы Англия біріншілігінің кейінге қалдырылған матчында тәртіп бұзды. Оның "Кристал Пэласқа" қарсы ойындағы сары қағазы маусымдағы бесінші қағазы болып тіркелді. Осылайша, Каземиро Англия премьер-лигасының келесі турындағы ойынға шыға алмайды.

"Манчестер Юнайтед" 21-турда турнирлік кестеде көш бастап тұрған лондондық "Арсеналмен" кездеспек. Ойын 22-қаңтар күні өтеді деп жоспарланып отыр.

Еске сала кетейік, түнде "Манчестер Юнайтед" пен "Кристал Пэлас" арасындағы матч болып, тең есеп тіркелді (1-1).

Мақаланың түпнұсқасы: https://kaz.nur.kz/sport/2005946-kazemiro-arsenalga-qarsy-matcqa-qatyspaidy/