Қысқы Универсиадада шайбалы хоккейден Қазақстан студенттер құрамасы жартылай финалға шықты, деп хабарлайды KAZ.NUR.KZ тілшісі.
Қазақстан студенттер құрамасы жартылай финалда А тобында бірінші орын алған Канадамен ойнайды.
Матч 21 қаңтар күні Астана уақытымен 20:35-те басталмақ.
Тікелей эфирді Қысқы Универсиаданың ресми сайты - FISU.tv-ден тамашалауға болады.
Еске сала кетейік, Қазақстан студенттер құрамасы В тобында өнер көрсетіп, Оңтүстік Кореяны 5:1, Венгрияны 9:1, Ұлыбританияны 15:1, Словакияны 4:0 есебімен басым түсті және соңғы турда Америка Құрама штаттарына есе жіберді (4:1).
Осылайша, отандық хоккейшілер өз тобында екінші орынға ие болып, жартылай финалға жолдама алды.
Мақаланың түпнұсқасы: https://kaz.nur.kz/sport/hockey/2006102-universiada-qazaqstan-xokkeisilerinin-zartylai-finaldagy-qarsylasy-belgili-boldy/
