Бокстан Қазақстан командасының бұрынғы мүшесі Василий Левит Qazsport арнасындағы "Сұхбат" бағдарламасында қонақ болып, әлі күнге дейін неліктен үйленбей жүргенін мәлімдеді, деп жазады KAZ.NUR.KZ.
"Иә, әлі бойдақпын. Бірақ үйленетін жоспарым бар, әрине. Құдай қаласа, жақын болашақта менің отбасылық жағдайым өзгереді деп ойлаймын. Иә, жас та келіп қалды. Қазір мақсатты түрде осыған келе жатырмын. Қалыптастым. Спортпен айналысқан соң, бірінші орында бокс, жаттығу тұратын. Әрі қарай менімен бірге баратын адамды кездестірмедім", - деді Левит.
Айта кетелік, Василий Левит бокстан Рио Олимпиадасының күміс жүлдегері.
2020 жылғы Токио Олимпиадасында ол бірінші айналымда жеңіліс тапқан.
Мақаланың түпнұсқасы: https://kaz.nur.kz/sport/boxing/2009907-ali-kezdestirgen-zoqpyn-34-zastagy-vasilii-levit-ali-kunge-deiin-uilenbeuinin-sebebin-asyp-aitty/
