Дубайдағы WTA-1000 санатындағы турнирге қатысып жатқан Елена Рыбакина жарысты жалғастырудан бас тартты. Бұл туралы спортшы Instagram-дағы ресми парақшасында хабарлады, деп жазады KAZ.NUR.KZ.
Елена турнирдің үшінші айналымында америкалық Кори Гауфпен ойнауға тиіс еді. Алайда ол жекелей және жұптық сындағы кездесулердің бәрінен бас тартты.
Бұған спортшының арқасындағы жарақат себеп болған.
Ал әлемнің алтыншы ракеткасы саналатын Гауф ширек финалға өтіп, өз отандасы Мэдисон Кизбен ойнайды.
Айта кетелік, Елена Рыбакина WTA рейтингінде 10-орында тұр.
Мақаланың түпнұсқасы: https://kaz.nur.kz/sport/other-sports/2010463-elena-rybakina-dubaidagy-turnirdi-zalgastyrudan-oz-erkimen-bas-tartty/
