Париждік "ПСЖ" клубының қорғаушысы Серхио Рамос Испания құрамасындағы мансабын аяқтайтынын хабарлады, деп жазады KAZ.NUR.KZ тілшісі.
Бұл туралы футболшы Twitter әлеуметтік желісіндегі парақшасында жазды.
"Маған сенім артқан барша жанкүйерге шын жүректен алғысымды білдіремін", - деді Рамос.
Айта кетейік, Серхио Рамос - Испания құрамасының сапында ең көп ойын өткізген футболшы. Ол 2005 жылы наурызда Ұлттық құрамадағы алғашқы матчын өткізген. Содан бері футболшы Испания жейдесімен 180 матчқа қатысып, 23 гол соққан және 8 нәтижелі пастың авторы атанды.
Қорғаушы 2021 жылдың 31 наурызында ұлттық құрама сапындағы соңғы матчын ойнады.
Мақаланың түпнұсқасы: https://kaz.nur.kz/sport/football/2010651-futbolsy-serxio-ramos-manyzdy-malimdeme-zasady-foto/
