UFC лигасында жартылай орта салмақта сынға түсетін Шавкат Рахмонов өзімен бір залда жаттығатын америкалық файтер Кевин Лидің ислам дінін қабылдауына қатысты пікір білдірді, деп жазады "Спорт Экспресс" басылымына сілтеме жасаған KAZ.NUR.KZ.
"Әрине, әрбір мұсылман мен үшін бауыр. Оның ислам қабылдағаны қатты қуантты. Кейде басқалардың ислам қабылдағанын көргенде, сөзбен жеткізе алмайтын ерекше эмоциялар пайда болады.
Биыл мен Меккеге барып, қажылығымды өтегім келеді. Ораза аяқталған соң, он күнге барып қайтсам деймін. Мүмкіндік болса, Иншалла, барамыз", - деді Рахмонов.
Айта кетелік, 5 наурыз күні Лас-Вегаста өтетін UFC 285 турнирінде Шавкат Рахмонов америкалық Джефф Нилға қарсы шығады.
Мақаланың түпнұсқасы: https://kaz.nur.kz/sport/mma/2011398-sozben-zetkize-almaimyn-savkat-raxmonov-amerikalyq-faiterdin-islam-dinine-otkenin-erekse-qabyldady/
