Қазақстандық дзюдошы Абиба Әбужақынова Тблисиде өтіп жатқан Grand Slam жарысының қола жүлдесіне ие болды, деп жазады KAZ.NUR.KZ тілшісі.
48 келіге дейінгі салмақта өнер көрсеткен отандық спортшы жұбаныш финалында Испания өкілі Лаура Мартинезпен белдесіп, қола жүлдені сарапқа салды.
Нәтижесінде Абиба Әбужақынова вазари ұпайымен қарсыласын ұтып, үздік үштіктің қатарынан көрінді.
Айта кетейік, Абиба Абужақынова жарыс барысында 4 кездесу өткізді. Өз тобынан үздік шыққан ол тек жартылай финалда жарыс жеңімпазы Милиса Николичке (Сербия)есе жіберді.
Мақаланың түпнұсқасы: https://kaz.nur.kz/sport/fight/2013990-abiba-abuzaqynova-tbliside-otip-zatqan-grand-slam-zarysynyn-qola-zuldesine-ie-boldy/
