WBO нұсқасы бойынша Әлем чемпионы Жәнібек Әлімханұлы алдағы жекпе-жегіне қатысты пікір білдірді, деп жазады Top Rank.
Еске сала кетейік, Жәнібек Әлімханұлы мен Стивен Батлер жекпе-жегі 13 мамырда Стоктон қаласында (Калифорния, АҚШ) өтеді. Кездесуде отандық былғары қолғап шебері WBO чемпиондық атағын екінші рет қорғайды.
Жәнібектің айтуынша, Стивен қиын әрі мықты қарсылас.
"Орта салмақта өнер көрсететін боксшылардың бәрі менен қорықты. Сондықтан Стивен Батлерге жекпе-жекке келіскені үшін алғысымды білдіремін. Барлық титулдарды біріктіргім келеді, алайда Батлердің артына қарай алмаймын. Ол қиын әрі мықты. Мен Стоктонда жанкүйерлер мен ESPN көрермендері үшін шоу көрсетуді асыға күтудемін", - деді Әлімханұлы.
Мақаланың түпнұсқасы: https://kaz.nur.kz/sport/boxing/2014780-bari-menen-qoryqty-zanibek-alimxanuly-aldagy-zekpe-zegine-qatysty-pikir-bildirdi/
