Теннистен Әлем чемпионаты: Қазақстан жасөспірімдері іріктеу турнирін жеңіспен бастады

Шымкент қаласында 16 жасқа дейінгілер арасында Азия – Тынық мұхит аймағы бойынша Billie Jean King Cup әлем чемпионатының іріктеу турнирі басталды, деп хабарлайды Қазақстанның теннис федерациясы.

Жарыстың алғашқы күні Қазақстан қыздар командасы В тобында Вьетнам құрамасын 3:0 есебімен ұтты.

Бірінші ойында Ариана Гогулина Нгуенді 6:1, 6:0 есебімен тізе бүктірді. Полина Слепцова Нгоны 6:1, 6:3 есебімен ұтты. Жұптық сында А.Гогулина Анастасия Крымовамен бірге апалы-сіңлілі Нголардан 6:3, 6:0 есебімен басым түсті.

Осылайша, Ярослава Шведованың шәкірттері өз тобында көш бастады. Бүгін, 2 мамырда қазақстандық қыздар Иран құрамасымен сынға түседі.

Мақаланың түпнұсқасы: https://kaz.nur.kz/sport/2019002-tennisten-alem-cempionaty-qazaqstan-zasospirimderi-irikteu-turnirin-zenispen-bastady/