Ташкент қаласында өтіп жатқан әлем чемпионатын жеңіспен бастаған Серік Теміржанов алғашқы жекпе-жегі туралы пікір білдірді, деп хабарлайды KAZ.NUR.KZ тілшісі Қазақстанның бокс федерациясының баспасөз қызметіне сілтеме жасап.
Отандық боксшы өзін қолдаған барша жанкүйерге алғысын білдірді.
"Алғашқы жекпе-жегімде жеңіске жеттім. Мақсатым - әлем чемпионы болу. Жақсы дайындық өткіздік. Аға және жеке бапкерлеріммен ақылдасып, осы мақсатта тактика ұйымдастырдық. Оған бар күшімізді саламыз", - деді Серік Теміржанов.
Айта кетейік, Серік Теміржанов Әлем чемпионатындағы алғашқы жекпе-жегін малилік боксшыға қарсы өткізіп, төрешілердің шешімімен жеңіске жетті.
Ол 2021 жылғы Әлем чемпионатының және 2022 жылғы Азия біріншілігінің жүлдегері.
Мақаланың түпнұсқасы: https://kaz.nur.kz/sport/boxing/2019619-alem-cempionatyn-zenispen-bastagan-otandyq-bokssy-algasqy-zekpe-zegi-turaly-pikir-bildirdi/
