Naiza FC 51 турнирінде Шавкат Рахмоновтың қарындасы Сора Рахмонова кезекті жеңісіне қол жеткізді. Бұл туралы KAZ.NUR.KZ хабарлайды.
Алматыда өтіп жатқан турнирде отандық спортшы мансабында жеңіліп көрмеген Ресей чемпионы Валерия Карыгинамен жекпе-жек өткізді.
Тартысты кездесудің екінші раундында Сора Рахмонова техникалық нокаутпен қарсыласынан басым түсті.
Осылайша, Шавкат Рахмоновтың қарындасы мансабындағы төртінші жеңісіне қол жеткізіп отыр. Ал Валерия Карыгина алғаш рет жеңілістің ащы дәмін татты.
Еске сала кетейік, бұған дейін мемлекет басшысы Қасым-Жомарт Тоқаевтың аралас жекпе-жек шебері Шавкат Рахмоновты қабылдағанын жазған едік.
Президент даңқты спортшыны таяуда Лас-Вегас қаласында өткен UFC турнирінде жеңіске жетуімен құттықтады.
Жарыста отандық спортшы америкалық Джефф Нилді қылқындыру әдісімен ұтты.
Сонымен қатар Шавкаттың Рамазан айында қажылыққа атанғанын хабарлаған болатынбыз.
Мақаланың түпнұсқасы: https://kaz.nur.kz/sport/mma/2022266-savkat-raxmonovtyn-qaryndasy-zenilip-kormegen-reseilik-sportsyny-nokautqa-tusirdi/
