Бокстан «Астана арландары» командасының белді мүшесі Бағдат Әлімбеков өмірлік жарын тауып, боксшы қызбен шаңырақ көтерді.
Бұл туралы Vesti.kz-ке сілтеме жасап NUR.KZ хабарлайды.
Бағдат Әлімбековтің таңдауы Ақтолқын Кеңесбекова есімді аруға түскен. Айта кетерлігі, Ақтолқын да боксшы. Ол бокстан Қазақстанның төрт дүркін чемпионы және екі мәрте ұлттық құрама сапында әлем чемпионатына қатысқан.
Сонымен қатар, Ақтолқынның бокстан Атланта Олимпиадасының қола жүлдегері Болат Ниязымбетовтің қызы екенін де айта кеткен жөн.
Ал Бағдат Әлімбеков 2013 жылы Бүкіләлемдік бокс сериясының финалында «Украина атамандарынан» басым түсіп, командаға маңызды ұпай сыйлаған болатын.
Мақаланың түпнұсқасы: https://kaz.nur.kz/sport/boxing/780488-astana-arlandarynynh-boksshysy-olimpi/
