Лицензиялық турнирде жеңіліп қалған қазақстандық боксшыны жанкүйері өлең арқылы жігерлендірді

Италияның Бусто-Арсицио қаласында өткен әлемдік лицензиялық турнирде жеңіліп қалып, Олимпиада жолдамасын иелене алмаған қазақстандық боксшы Алуа Балқыбековаға жанкүйері өлең арнады. Бұл туралы KAZ.NUR.KZ тілшісі хабарлайды.

50 келіге дейінгі салмақта сынға түскен Алуа Балқыбекова лицензиялық турнирдің ширек финалында Германия өкілі Карина Макси Клецермен жұдырықтасқан еді. Бұл жекпе-жекте 3:2 есебімен неміс боксшысы жеңіске жетті. Осылайша Балқыбекова Олимпиада жолдамасына бір қадам қалғанда сүрінген болатын.

Қазақстандық боксшыны осы жеңілісінен кейін жанкүйері өлең арқылы қолдады. Алты шумақтан тұратын өлең Алуа Балқыбекованың Instagram-дағы фан-парақшасының Stories-де жарияланды.

Айта кетейік, қазір бокстан Қазақстан құрамасының қоржынында жазғы Олимпиаданың 7 жолдамасы бар. Париж Олимпиадасына лицензия ұтқан қазақстандық боксшылар:

• 92 келі, Қамшыбек Қоңқабаев;
• 57 келі, Карина Ибрагимова;
• 92 келі, Айбек Оралбай;
• 51 келі, Сәкен Бибосынов;
• 57 келі, Махмұд Сабырхан;
• 71 келі, Асланбек Шымбергенов;
• 80 келі, Нұрбек Оралбай.

Мәтіннен қате тапсаңыз, бізге жазыңыз