Головкин Афина Олимпиадасының финалында жеңілетінін алдын-ала білген

Орта салмақтағы әлем чемпионы Геннадий Головкин 2004 жылы Афинада өткен Олимпиада ойындарында ресейлік Гайдарбек Гайдарбековпен жұдырықтасқан ақтық жекпе-жегіндегі төрешілердің әділетсіздігін еске алды.

Бқл туралы Sports.kz-ке сілтеме жасап ҚазАқпарат хабарлайды.

«Сол кезде ресейлік ұтты. Шын мәнінде жеңген жоқ, бірақ ұтты. Бәрі дұрыс. Бұл менің тәжірибем, өмірімнің бір кезеңі. Мен мұның қалай жұмыс істейтінін түсінемін», - деген боксшының сөздерінен The Telegraph келтірді.

Геннадийдің айтуынша, финалға дейін бәрі белгілі болды. Бұл хабарды оған ресми тұлғалардың бірі жеткізген.

«Жартылай финалдан кейін маған: «Алтын медаль Қазақстанның бір ғана жігітіне беріледі, түсінесің бе?» деді. Мен: «Жарайды» дедім. Ол сөзін әрі қарай жалғады: «Бірақ саған берілмейді, бірінші орта салмақтағы боксшыға» (Бақтияр Артаевқа - ред.). Мен таң қалдым. Оны әбден сабап тастағаныма сенімдімін. Екінші раундтан кейін қанша ұпай болғаны есімде жоқ. Қазақстандық бапкер тоқтамай ұра беруді айтты, мен «Жақсы, жақсы» деп жауап бердім», - деді Головкин.

Тағы оқыңыздар:

Назарбаев Мәсiмовтiң ҰҚК-нің төрағалығына тағайындалу себебiн түсiндiрдi

Ұлттық банк халыққа жинақтарын алтынмен сақтауды ұсынады

Баян Есентаева эксклюзивті сұхбатының жалғасында жаңа құпияларымен бөліспек

Қарағандыда Геннадий Головкинге алтыннан ескерткіш қоймақшы (фото)

Амантай қажы жас бойжеткенді тоқалдыққа алды (фото)