Әли Ахмедовтің рингке қашан оралатыны хабарланды

Екінші орта салмақта өнер көрсететін қазақстандық боксшы Әли Ахмедовтің келесі жекпе-жегінің өтетін орны мен уақыты белгілі болды, деп хабарлайды Sports.kz.

Boxrec.com сайты ұсынған ақпаратқа сәйкес, 30 шілдеде Әли Ахмедов шаршы алаңға оралады.

Оның келесі жекпе-жегі Лос-Анджелестегі (АҚШ, Калифорния штаты) Crypto.com кешенінде өтпек. 26 жастағы қазақстандықтың қарсыласы әзірге белгісіз.

Айта кетейік, Әли Ахмедов соңғы жекпе-жегін былтыр желтоқсан айында АҚШ-та өткізіп, бірінші раундта мексикалық қарсыласы Пол Валенсуэланы нокаутқа түсірген болатын.

Бүгінде боксшы орта салмақтағы WBA Super/IBF тұжырымы бойынша әлем чемпионы Геннадий Головкиннің (42-1-1, 37 КО) командасында өнер көрсетеді.

Ол шаршы алаңға GGG Promotions компаниясының атынан шығып жүр.