"Біреу түсінеді, біреу түсінбейді": Садриддин Ахмедов ұлттық құрамадан неге кеткенін ашып айтты

Кәсіби боксшы Садриддин Ахмедов Qazaq Ring жобасында қонақ болып, ересектер арасындағы ұлттық құрамадан неге кеткенін баяндады, деп жазады KAZ.NUR.KZ.

"Бокстан ересектер арасындағы ұлттық құрамада бір жылдай жүріп, кәсіби боксқа ауысып кеттім. Себебі менің бала күннен бергі арманым - кәсіби боксты бағындыру еді. Әуесқой бокста жүрген бауырларымыз әлем және Олимпиада чемпионы болуды армандайды ғой. Ал мен кішкентай кезімнен кәсіби боксты таңдадым, стилімді де соған ұқсатқым келді.

Әуесқой бокс өте қиын спорт түрі. Оның біреу түсінеді, біреу түсінбейді.Кішкентай кезімнен бері әуесқой бокста 10 жыл жүрдім. Ересектер арасында бір ғана жыл болдым. Ал кумирге келер болсам, әуесқой бокста кумирім жоқ. Майк Тайсон, Мұхаммед Әлилер бокстың ең биік шыңына жеткен. Олар сияқты боктасу мүмкін емес.

Сол сияқты мен өз стилімді қалыптастырғым келді. Мен өзім мықты спортшылар қатарына кіріп, артымыздан ерген балаларға кумир болғым келеді", - деді Ахмедов.