Бокстан Ташкентте өтіп жатқан әлем чемпионатында Қытай атынан сынға түсетін этникалық қазақ спортшысы қарсыласын нокаутпен жеңді, деп хабарлайды KAZ.NUR.KZ.
80 келіге дейінгі салмақта бақ сынайтын Тоқтарбек Таңатхан чемпионаттың 1/16 айналымында марокколық Мұхаммед Ассагирмен кездескен болатын.
Жекпе-жек Тоқтарбекке айтарлықтай қиындық тудырмай, кездесу екінші раундта аяқталды.
Осы аралықта Қытай намысын қорғайтын қазақ боксшысы қарсыласын үш рет нокдаунға жіберген.
Таңатхан бірінші кездесуде Армения өкілін жеңген болатын. Енді ол 1/8 айналымда сынға түседі.
Айта кетелік, Тоқтарбек Таңатхан 75 келіге дейінгі салмақта Токио Олимпиадасында өнер көрсетті.
Ал Олимпиадаға іріктеу турнирінде ол қазақстандық Әбілхан Аманқұлға есе жіберді.
Мақаланың түпнұсқасы: https://kaz.nur.kz/sport/boxing/2019617-bokstan-alem-cempionaty-qytai-namysyn-qorgaityn-qazaq-balasy-qarsylasyn-nokautpen-zendi-video/
