Бокстан екі дүркін Олимпиада жүлдегері, әлем чемпионатының күміс жүлдегері Әділбек Ниязымбетов Азия ойындарындағы жағдайды еске алды. Бұл туралы Qazaq Ring жобасына сілтеме жасаған KAZ.NUR.KZ хабарлайды.
Бүгінгі таңда Әділбек Ниязымбетов спорттық мансабын аяқтады. Ал 2014 жылғы Азия ойындарында ол чемпион атанған болатын.
"Негізі, Азия ойындары өте ауыр болды. Неге десеңіздер, көк туымызды маған тапсырды. Мен алып шықтым. Содан кейін өз-өзіме сөз бердім. "Енді қайтадан туды алып шықпаймын", - дедім. Жауапкершілік өте қиын. Сөзбен айтып жеткізу қиын. Бұл жерде халықтың, отбасыңның, бапкерлердің үміті бар. Соларды ақтамасаң, өз-өзіңді қоятын жер таба алмайсың", - деді боксшы.
Еске сала кетейік, Әділбек Ниязымбетов 2012 жылғы Лондон, 2016 жылғы Рио Олимпиадаларының күміс жүлдегері.
Қазақстан құрамасы сапында Бакуде (2011) және Алматыда (2013) өткен әлем чемпионаттарында күміс медаль иеленген.
201 жылғы Азия ойындарының, 2015 жылғы Азия чемпионатының жеңімпазы.
Мақаланың түпнұсқасы: https://kaz.nur.kz/sport/boxing/2025081-endi-tudy-alyp-syqpaimyn-adilbek-niyazymbetov-kok-bairaqty-koterip-sygudyn-qiyndygyn-aitty/
