Батыр Жүкембаев украиналық боксшыны техникалық нокаутпен жеңді (видео)

Бірінші жартылай орта салмақтағы қазақстандық боксшы Батыр Жүкембаев (23-1, 16 КО) кәсіби рингтегі 24-жекпе-жегін өткізді. Бұл туралы KAZ.NUR.KZ тілшісі хабарлайды.

Жүкембаев Плант-Ситиде (Флорида штаты, АҚШ) өткен кәсіпқой бокс кешінде украиналық Иван Редкачпен жұдырықтасты. Бұл жекпе-жек он раундқа жоспарланған еді. Қазақстандық боксшы бесінші раундта техникалық нокаутпен ұтты.

Осылайша, Жүкембаев мансабында 23-рет жеңіске жетті және бірінші жартылай орта салмақтағы WBA Continental North Americas титулын қорғап қалды. Ал Редкач мансабында 7-рет жеңіліске ұшырады.

Еске салайық, Батыр Жүкембаев өткен жылдың желтоқсанында француз спортшысы Мұхамед Мимунмен кездесіп, төрешілердің шешімімен жеңген еді. Сондай-ақ WBA NABA белбеуін қорғап қалды.

Мәтіннен қате тапсаңыз, бізге жазыңыз