Қоржынымызда 15 алтын: қазақстандық боксшылар Азия чемпионатында көш бастады

Біріккен Араб Әмірліктерінде өткен жасөспірімдер арасындағы Азия чемпионатында қазақстандық спортшылар сәтті өнер көрсетті. Бұл туралы KAZ.NUR.KZ Olympic.kz сайтына сілтеме жасап хабарлайды

Біріккен Араб Әмірліктерінің Әл-Айн қаласында бокстан жасөспірімдер арасындағы Азия біріншілігі өтті. Бұл чемпионатта Қазақстан құрамасы жалпы командалық есепте көш бастады.

Ел намысын қорғаған боксшылар Азия чемпионатында 15 алтын, 11 күміс, 15 қола медаль иеленіп, медаль кестесінде бірінші орынға жайғасты.

Ал 14 алтын, 11 күміс және 8 қола иеленген Өзбекстан құрамасы жалпыкомандалық есептің екінші сатысына орналасты.

Үндістан боксшылар 12 алтын, 13 күміс және 18 қола иеленіп, үздік үштікті түйіндеді.

Айта кетейік, Біріккен Араб Әмірліктерінің Әл-Айн қаласындағы әлем чемпионаты 29 тамыз бен 9 қыркүйек аралығында өтті. Біріншілікке 26 елден келген 462 спортшы бақ сынады. Ал бұл додада ел намысын 56 боксшымыз бақ сынады.

Мәтіннен қате тапсаңыз, бізге жазыңыз