Төрехан Сабырхан, Дулат Бекбауов бастаған қазақ боксшылары Таиландтағы халықаралық турнирге қатысады

Қазақ боксшылары Бангкокта өтетін дәстүрлі халықаралық турнирге қатысады, деп хабарлайды Қазақстан бокс федерациясына сілтеме жасаған KAZ.NUR.KZ.

Федерацияның мәліметінше, Таиланд астанасындағы жарыс 24 мамыр мен 1 маусым аралығында өтеді. Қазақстан құрамасы Бангкокқа келіп жеткен.

Жарысқа Қазақстаннан бөлек, Қытай, Корея, Жапония, Өзбекстан, Таиланд және тағы басқа елдің былғары қолғап шеберлері қатысады.

Турнирде бақ сынайтын Қазақстан ерлер құрмасы:

• Нұрзат Оңғаров (50 кг);
• Нұрсұлтан Алтынбек (55 кг);
• Оразбек Асылқұлов (60 кг);
• Дулат Бекбауов (65 кг);
• Төрехан Сабырхан (70 кг);
• Тимур Нұрсейіт (75 кг);
• Диас Молжігітов (80 кг);
• Бекзат Таңатар (85 кг);
• Данияр Рахымбердиев (90 кг);
• Даниял Сапарбай (+90 кг).

Әйелдер құрамасы:

• Гүлназ Бөрібаева (48 кг);
• Жазира Орақбаева (51 кг),
• Сымбат Әлиасқар (54 кг),
• Шахназ Исаева (57 кг),
• Виктория Графеева (60 кг),
• Назерке Серік (65 кг),
• Наталья Богданова (70 кг),
• Надежда Рябец (75 кг),
• Гүлсая Ержан (80 кг)
• Елдана Тәліпова (+80 кг).