БҚО-да бокстан әлем чемпионы мен Азия чемпионатының жүлдегеріне пәтер берілді (фото)

Орал қаласында бокс спортына үлес қосқан спортшылар мен бапкерлер марапатталды. Бұл туралы БҚО дене шынықтыру және спорт басқармасына сілтеме жасаған KAZ.NUR.KZ хабарлайды.

Салтанатты жиынға БҚО бокс федерациясының президенті Бауыржан Каримов, "Ақжайық" спорт клубының директоры Дамир Қалақов, федерацияның президенті Қуаныш Уахасов, бокс жанашырлары мен спортшылар қатысқан.

Жиында Азия чемпионатының күміс жүлдегері Даниял Сәбитке, жастар арасындағы әлем чемпионы Өнер Сейілханға, оның жеке бапкері Берік Жарылқасынға, облыс құрамасының аға бапкері Саттар Сұлтанғалиға пәтер кілттері табысталған.

Сондай-ақ Қуаныш Уахасов "ҚР боксын дамытуға сіңірген еңбегі үшін" төсбелгісімен марапатталған.

Бұдан бөлек, бірқатар клубтың басшылары мен 35 үздік боксшыға арнайы спорттық киімдер табысталған.

Мәтіннен қате тапсаңыз, бізге жазыңыз