Жанқош Тұраровтың қарсыласы анықталды

Ұзақ уақыт үзілістен кейін шаршы алаңға оралатын Жанқош Тұраровтың қарсыласы анықталды, деп хабарлайды 1bol.kz.

IBO тұжырымы бойынша әлем чемпионы, қазақстандық кәсіпқой боксшы Жанқош Тұраровтың бұған дейін шаршы алаңға қайта оралатыны белгілі болды.

Боксшының қарсыласы да анықталды. Ол филиппиндік Али Канегаға қарсы жұдырықтасады.

Али Канега мансабында барлығы 15 жекпе-жек өткізіп, оның 12-де жеңіске жетіп, екеуінде жеңілген. Ал бір рет тең нәтиже тіркеген.

Бұл бокс кеші 5 қыркүйекте Алматы қаласында Балуан Шолақ атындағы спорт сарайында өтеді.

Айта кетейік, Жанқош Тұраров соңғы рет 2023 жылғы қарашада жапониялық боксшымен өзара мықтыны анықтаған еді. Нәтижесінде отандасымыз жеңіске жетіп, чемпиондық атағын сақтап қалды. Тұраров кәсіпқой бокста 27 жекпе-жек өткізіп, бәрін де айқын басымдықпен ұтқан.

Мәтіннен қате тапсаңыз, бізге жазыңыз