Бокстан әлем чемпионаты: бүгін екі қазақ боксшысы шаршы алаңға шығады

Бокстан Англияның Ливерпуль қаласында өтіп жатқан әлем чемпионатының екінші жарыс күнінде екі қазақ боксшысы шаршы алаңға шығады. Бұл туралы еліміздің бокс федерациясына сілтеме жасаған KAZ.NUR.KZ хабарлайды.

Федерацияның мәліметінше, екі боксшы да күндізгі сессияда өнер көрсетеді.

Атап айтқанда, 57 келіде Карина Ибрагимова грекиялық Панагита Кузилумен қолғап түйістірсе, 65 келіде Аида Әбікеева мажарстандық Лука Хамориға қарсы жекпе-жек өткізеді.

Күндізгі сессиядағы кездесеулер Қазақстан уақытымен 15:00-де басталады.

Айта кетейік, әлем біріншілігінің алғашқы күнінде қазақ боксшылары арасынан алғашқы болып рингке шыққан Элина Базарова (54 келі) жарысты аяқтады. Ол өзбекстандық Нигина Уктамоваға жол берді.

90 келді сынға түскен тағы бір боксшымыз Сағындық Тоғамбай англиялық Айзек Оконы 3:2 есебімен жеңіп, келесі кезеңге өтті.

Мәтіннен қате тапсаңыз, бізге жазыңыз