Боксшылар Оразбек Асылқұлов пен Теміртас Жүсіповке құрмет көрсетілді

Ақмола облысында Дубайда бокстан өткен әлем чемпионатының жүлдегерлері Теміртас Жүсіпов пен Оразбек Асылқұловқа құрмет көрсетілді. Бұл туралы өңір әкімдігіне сілтеме жасаған KAZ.NUR.KZ хабарлайды.

Ведомствоның мәліметінше, Ақмола облысының әкімдігінде боксшылармен кездесу өткен.

Кездесуде өңір әкімі Марат Ахметжанов спортшылардың Ақмола облысының ғана емес, бүкіл елдің мақтанышы екенін, жетістіктері өскелең ұрпаққа жарқын үлгі екенін атап өткен.

Сондай-ақ салтанатты жиында боксшыларға сертификаттар мен алғыс хаттар табысталған.

Естеріңізге сала кетейік, Дубайда IBA ұйымдастырған әлем чемпионатында Оразбек Асылқұлов алтын медаль жеңіп алса, Теміртас Жүсіпов қола жүлдегер атанды.

Жалпы, бұл әлем біріншілігінде Қазақстанның ерлер құрамасы командалық есепте екінші орын алды. Ал Оразбек Асылқұлов алғаш рет әлем чемпионы атанды.

Бұдан бөлек, бұл жарыста Сәкен Бибосынов пен Абылайхан Жүсіпов те жеңіс тұғырына көтерілді.

Мәтіннен қате тапсаңыз, бізге жазыңыз